Árið 2023 hélt Gleym mér ei samverustundir þar sem fólk sem misst hefur barn á meðgöngu eða fljótlega eftir fæðingu kom saman. Þar var ein þessara stunda helguð fólki sem hafði misst fyrir mörgum árum, jafn vel áratugum. Þarna komu einstaklingar sem höfðu borið harm sinn í hljóði í langan tíma, en á árum áður var viðurkenning samfélagsins á slíkum missi lítil sem engin. Við fundum strax að það þurfti að gefa þessari sorg meira pláss og því fórum við af stað með sérstakt stuðningshópastarf fyrir sorg af þessu tagi á síðasta ári.

Miðvikudaginn 25. febrúar buðum við fólki í útgáfuhóf til að fagna nýútgefinni bók okkar ‘Systir mín sem enginn sér’. Höfundar bókarinnar, þær Kolbrún Tómasdóttir og Sigrún K. Valsdóttir, ávörpuðu gesti á staðnum. Þær töluðu um bókina, hvernig sagan varð til og hvaða merkingu hún hefur fyrir þær.

Aðalfundur félagsins fer fram á fjórðu hæð (Hjartanu) í Lífsgæðasetrinu sem staðsett er á Suðurgötu 41 í Hafnarfirði þriðjudaginn 24. febrúar klukkan 20:00.

Fulltrúi frá Gleym mér ei fundaði með fulltrúum Kirkjugarða Reykjavíkur á dögunum þar sem helsta umræðuefni var umhirða í duftreitnum í Fossvogskirkjugarði. Margir sem vitja garðsins til að heiðra minningu barna sinna koma með blóm, skreytingar, merkta steina og fleira. Þetta felur í sér fallega athöfn fyrir foreldra, og aðra aðstandendur, og við mælum tvímælalaust með því að þetta sé gert.

Gleym mér ei konur fóru norður á Akureyri síðastliðinn fimmtudag og dvöldu þar dagana 16. til 18. október. Á fimmtudeginum áttum við gott samtal á kvennadeildinni þar sem við fengum …

Gleym mér ei styrktarfélag bauð til okkar árlegu minningarstundar miðvikudaginn 15. október klukkan 20 í safnaðarheimili Kópavogskirkju. Sá dagur er á heimsvísu tileinkaður missi á meðgöngu og barnsmissi og því á hann stóran stað í hjörtum okkar. Tilgangurinn með því að halda minningarstund 15. október ár hvert er að styðja við foreldra og aðra aðstandendur í sorginni og jafnframt að skapa umfjöllun um málefni sem áður fyrr virtist ekki mega ræða.

Reykjavíkurmaraþon Íslandsbanka var haldið laugardaginn 23. ágúst og slegið var met í fjölda keppenda! Þetta hlaup er okkur, og öðrum styrktarfélögum, mikils virði enda hlaupa þúsundir manns til góðs þennan dag. Í ár hlupu yfir 200 hlauparar fyrir okkur og þakklætið til þeirra og til allra þeirra sem styrktu er gífurlegt.

Í síðustu viku fór fram þriðja umræða um frumvarp til laga um breytingu á lögum um sorgarleyfi. Markmið breytingarinnar er að auka réttindi foreldra til sorgarleyfis. Frumvarpið var byggt á tillögum frá Gleym mér ei styrktarfélagi og Sorgarmiðstöðinni. Umræðan fór þannig að Alþingi samþykkti þetta frumvarp Ingu Sæland, félags- og húsnæðismálaráðherra, um breytingar á lögum um sorgarleyfi.

Miðvikudaginn 30. apríl áttu fulltrúar frá Gleym mér ei og Sorgarmiðstöð fund með Ingu Sæland félags- og húsnæðismálaráðherra.

Á fundinum fengu bæði félög að kynna sitt starf en einnig að þakka sérstaklega fyrir breytingartillögu um frumvarp til laga varðandi sorgarleyfi. En með frumvarpinu eru lagðar til breytingar á lögum um sorgarleyfi, nr. 77/2022, með það að markmiði að styrkja frekar stöðu barna og barnafjölskyldna sem verða fyrir áföllum.

„Þegar fólk var að hafa samband við Gleym mér ei til að spyrjast fyrir um hvaða stuðningur væri í boði fór fljótt að bera á því að margar ömmur stigu fram, minntust loksins á sinn missi og töluðu um að þær vildu óska þess að álíka stuðningur hefði verið fáanlegur á þeim tíma sem þær gengu í gegnum þessa reynslu. Þörfin var því greinilega mikil,“