Duftreitur

Fallegur minningar- og duftreitur er í Fossvogskirkjugarði ásamt minnisvarða um líf sem stendur fyrir framan Fossvogskirkju. Félagið stóð að endurbótum á reitnum og hönnuður þeirra breytinga er Kristín María Sigþórsdóttir. Árið 2017 lét Gleym mér ei gera fallega bók með myndum af duftreitnum. Ljósmyndirnar tók Silja Rut Thorlacius sem einnig hannaði bókina.

Margir sem vitja garðsins til að heiðra minningu barna sinna koma með blóm, skreytingar, merkta steina og fleira. Þetta felur í sér fallega athöfn fyrir foreldra, og aðra aðstandendur, og við mælum tvímælalaust með því að þetta sé gert. Það kemur þó fyrir að garðurinn fyllist af minnisvörðum og í ofsaveðrum eiga þeir það til að eyðileggjast. Því hefur verið ákveðið að hreinsað verði til úr garðinum tvisvar á ári, þá í kringum mánaðarmótin janúar/febrúar og síðan aftur um mánaðarmótin ágúst/september.

Við hjá Gleym mér ei höfum boðist til þess að nálgast þá muni sem verða fjarlægðir hjá kirkjugarðinum. Því mun fólki gefast kostur á því að hafa samband við okkur í síma 7850463 eða senda tölvupóst á gme@gme.is ef það eitthvað sem þau vilja nálgast sem hefur verið tekið úr reitnum. Við viljum samt taka það fram að það getur komið fyrir að hlutir hverfi úr reitnum án þess að það sé starfsmaður frá kirkjugarðinum sem tekur hann, en við munum passa upp á allt það sem ratar í okkar hendur í dágóðan tíma.