Reykjavíkurmaraþon Íslandsbanka var haldið laugardaginn 23. ágúst og slegið var met í fjölda keppenda! Þetta hlaup er okkur, og öðrum styrktarfélögum, mikils virði enda hlaupa þúsundir manns til góðs þennan dag. Í ár hlupu yfir 200 hlauparar fyrir okkur og þakklætið til þeirra og til allra þeirra sem styrktu er gífurlegt.
Í ár var met slegið í söfnun en það söfnuðust 15.669.053 krónur en síðan tvöfaldaði Center Hotels þá upphæð sem starfsmenn hótelsins söfnuðu og Minningarsjóður Gunnars Helga hljóp einnig fyrir félagið í ár. Heildarupphæð eftir þennan yndislega dag varð því 17.289.365 krónur. Með svona upphæð er hægt að halda rekstri félagsins gangandi og ráðast í margskonar verkefni sem stuðla að því að halda betur utan um fólk sem missir börnin sín á meðgöngu, í fæðingu eða fljótlega eftir hana.
Elsku öll – takk fyrir ykkur!